احس مهري ما يكفي متوهقة ساعدوني

لسلام عليكم ورحمة الله

بنات أنا باقي على زواجي وقت ان شاء الله
حاليا بس جالسة أقسم المهر عشان بعد ما أقتنع بالتقسيم أبدأ بالتجهيز
اللي مضايقني مهري ما يكفي وأنا أحس كل شيء ضروري وباقي أشياء بعد بس تنازلت
عنها
أنا بصراحة أستحي أطلب ولا أضمن أبد أني بعد الزواج بقوله بشتري كذا ولا كذا
:”

مهري 60 ألف
الشبكة علينا والمطبخ ومفرش السرير وبعض الكماليات أما التأثيث عليه.
الزواج بيكون مشترك للحين ما فكرت فيه وان شاء الله أهلي بيساعدوني فيه.
ودي تجهيزي يكون مرتب بحيث ما اكون اقل من غيري وأنا أول وحدة أتزوج ببيتنا
وصراحة ما ودي بعدين أقارن نفسي بأخواتي
وهو بعد أول زواج ولا أبي بعدين أشوف زوجات أخوانه وأحس أني ما استمتعت.
أدري والله أهم شيء السعادة والقناعة بس أنا حاسة أني حايسة بالتقسيم ومبالغة بشيء ومقللة
شيء أبي إرشادكم وممكن
أي عروس تستوحي أفكار من تقسيمي لأني برضو بحثت كثير واستوحيت قبل لا أكتبه بس
دعواتكم.

فيه ملاحظة أنا من الرياض والأسعار عندنا شوي مرتفعة وأنا كاتبة شيء تقريبي صراحة ما
أعرف أسعار المشاغل ولا العيادات ولا المصورات.
………………………………………………………..