يوم الجمعة 7:24 صباحًا 30 أكتوبر، 2020

ادام باكستاني باللبن على طريقة صحبتي الباكستانيه روعه لايفوتكم

وصفة من دولة باكستان جربوها , ادام باكستاني باللبن على كيفية صحبتي الباكستانية حلوه لايفوتكم

تختلف دول العالم بو صفاتها و الاكل بكل دولة له مذاق خاص و مختلف نوعى سفرتك بالطعام البكستانى

اخذت كيفية الادام من 4 سنين و كل ما طبختو الكل يعرف انني اسوي

هالادام من الريحه و تقدري تسوي الادام و تضيفي معاه البطاطس و انا احب اسويه مع البطاطس

ومعليش المقال بدون صور لأني فجأه اتحمست انزل مقال … و رح اكتب المقادير على قد

دجاجة و ااحده و اذا تبغي تزيدي الدجاج زيدي الكميه من المقادير و انا اروع اي طبخة جديده

لذيذة

تسويها لاتستهلكي كل الدجاج بها خلي التجربه الأولى بحبه دجاج او نص دجاجة لكن زي

مانوهت المقادير لدجاجة واحده … اولا / المقادير ،، جيبي بطاطس حسب رغبتك و قشريها

وقطيها لنصفين و انا احب اسلق البطاطس بقدر ضغط لحالو عشان بسرعه يستوي و بعد

ماتسلقيه حطيه على جمب … جهزي الدجاج و قطعيها ارباع و ثم افصلي الرجل من الفخذ

واذا كان الصدر كبير قطعي نصفين و بمعلومه حطيها ببالك كل حبة دجاجة تساوي كاس لبن

شراب قبل ما تبدائي بالطبخ حطي كاس اللبن و خليه برا الثلاجه و اذا طبختي نص دجاجه

حطي نص كاس لبن شراب و كذا … جهزي علبة صلصه انتبهي لاتحطي عصير الطماطم )

حبتين بصله متوسطة مفرومه فرم ناعم , و حبة زنجبيل طازج قشريها و افرميها فرم ناعم ,

ملعقتين اكل ثوم طازج مفروم 2 قرن فلفل حار مفروم فرم ناعم البهارات معلقة طعام

ممسوحه فلفل اسود مطحون , 2 معلقة اكل كزبره ناشفه مطحونه , معلقة اكل كاري ,

ملعقه صغار كركم , معلقه صغار من بهار الشطه و تقدري تتحكمي بها اذا تبغي حراره قويه

حطي معلقه اكل و اذا تبغي حراره معتدله حطي ربع معلقه صغار بمعلومه ابغى اقولها

عن بهار الكاري بشركة مهران و بشركة ثانية =جدآا جميلة و احب بهار الكاري حقها و جارتي

قالتلي عليها مكتوب على العلبه اسم الشركة بالانقلش National و انا احط من النوعين معلقه

ممسوحه من بهار الكاري حق مهران و معلقه اكل ممسوحه من الى بهار الكاري الى اسمه

بالانقلش انا اخذتو من بنده و على فكرة انا ما احط كمون ابدا ب الادام و جهزي كل هالبهار

بصحن صغير على جمب …. و جهزي 10 حبات قرنفل سر ريحة و نكهة الادام تجيبي هيل

حبشي او هيل اسود روحي العطار و قولي ابغى هيل حبشي او هيل اسود و رح يعطيكي يعني

نوع واحد يكفي رح يعطي نفس النكهه بس انا عندي النوعين باحط النوعين اما الكميه

المناسبه للطبخ بهي 5 حبات تكفي و لبن الشراب جهزيه و حطيه برا الثلاجه زي ما قلتلكم

بمقدار كاس واحد و جهزي المويه المغليه على جمب و قبل ما اعطيكم الكيفية لااشوف و حده

على الطعام بقدر الضغط مرره رح يخرب الطعام معاكي عن تجربتي الكيفية / حطي مقدار فنجان

من الزيت بقدر لين يسخن و ثم جيبي البصل و حطيه عالزيت و اقعدي حركي شوي

و ثم حطي الثوم المفروم و الزنجبيل المفروم و الفلفل الحار المقطع و قلبي شوي و ثم حطي

ال 10 حبات من القرنفل و حطي ال 5 حبات من الهيل الحبشي و قلبي فيهم لين تحسي بدائو

يذبلو البصل و الثوم و الزنجبيل و ثم حطي الدجاج و قلبيه مزبوط و ثم حطي صحن البهارات

الي جهزتيها بالقدر و قلبي به و حطي شوي مويه عشان تتقلب البهارات مزبوط و ثم حطي

علبة صلصه كاملة عالدجاج و كمان حطي شوي مويه عشان الصلصه تذوب بالقدر و قلبي فيهم

و ثم حطي مويه مغليه بحيث انك تغطي الدجاج لا تحطي مويه فوق الدجاج و لا اقل و زبطي

الملح حسب رغبتك و ارمي 2 قرن فلفل بدون تقطيع بالقدر و غطي القدر و خليه مدة 20 دقيقه

على نار هادئه جدا جدا و بعد مرور 20 دقيقه جيبي البطاطس الى سلقتيه و حطيه بشويش بالقدر

و ثم كل شويه راقبي الوضع و اذا شفتي المويه نقصت زيدي بحيث ما يسير المويه اكثر من

الدجاج عشان نبغى المرق متوسط ما نبغااه خفيف و لو زدتي المويه فوق الدجاج مو مشكلة بس

اهم حاجة المرقه لاتسير مره خفيفه و بعد مرور 10 دقيقة جيبي كاس اللبن و حطيه عالادام

وقلبيه مزبوط و ذوقي المرق اذا احتاج اي تعديل من ناحية الملح او بهار الشطه و بعد ما تحطي

اللبن بس خليه على النار من 5 الى 10 دقيقة و طفي النار و زينيه بالكزبره الخضراء … ملاحظه

تقدري تسوي جميع الخطوات و تستغني عن كاس اللبن برضو يطلع لذيذ … و يمكن تسوي على

جمب رز ابيض و تقدميه مع الادام … حابه اوضح لمدة الطهي بشكل كلي 35 او 40 دقيقه على نار

هادئ بعد مرور 20 دقيقه نحط البطاطس و ثم نصبر 10 دقيقة و بعدين نحط اللبن و بعد ما نحط

اللبن نخليه على النار 5 او 10 دقيقة و بس حبيت اوضحلكم و صحة و عافيه للجميع

 

ادام باكستاني باللبن على كيفية صحبتي الباكستانية حلوه لايفوتكم

ادام باكستاني باللبن على كيفية صحبتي الباكستانية حلوه لايفوتكم

إدام باكستاني بالدجاج و البطاطس على طريقتي  YouTube

صور photos

3 مشاهدة

اترك تعليقاً

لن يتم نشر عنوان بريدك الإلكتروني.