هل حلم كل بنت الزواج من ثري أو أمير أو شيخ سعودي أو إماراتي أو
مليونير
السلام عليكم : كم واحده ادخلت اكيد كلكم تريدون امراء بنات انا ماحطيت هالموضوع الا
لمصلحتكم انتم مثل اخواتي طيب بدخل بالموضوع الان كل بنت تخرج من المدرسه تبدا احلام
اليقضه بالزواج وكثير بنات تتخيل انها تنخطب من امير ولا من شيخ
ولا من ناس تجار بس فيه بنات لما يجي الخطيب تترك هذه الاحلام الورديه وتفكر
بالواقع وتوافق على العريس ولكن فيه بنات تظل تحلم وتحلم مثل حالتي حتى تصحى يوم
وتلقى نفسها فوق الثلاثين وتقول ياليتني أخذت فلان وعلان يوم .
اخطبوني انا الحمدالله انخطبت كذا مره بس ماصار نصيب والحمد لله على كل حال وكنت
ارفض على اشياء تافهه بانتظار فارس الاحلام الي مكمل من مجاميعه وبصراحه ما بس انا
حتى اهلي كبروا راسي ماكنت بالضروره اريد امير بس كنت اريد مهندس
دكتور جامعي وهذولي ماجوني بنات الي بقوله اي شروط غير الاخلاق والدين تنازلوا عنها لو
ماكانت مهمه يعني شرط مثل السكن مع الحموله شرط انه يكون جامعي شرط القرب او
البعد بعضهم اذا الزوج خارج الرياض ماتقبل مع ان الرجال ماينعاف غلط
اعرف وحده بناتها ماشاء الله ملكات جمال مقعدتهم تريد تزوجهم امراء مثل بعض بنات عمهم
والله يعوضهن خير وصلن الاربعين ومااعرسن تكفون ادعوا لهم بنات انا رسالتي هذي لكل ام
وبنت مشي حالك يسيري ولاتعسري شوفي البنات حولك ماخذين
ناس بسطاء وعايشين اشوف الناس حولي تتحرك تحمل تودي عيالها للمدرسه تتمشى مع زوجها تسافر
وانا محلك سر الحمدلله رب العالمين راضيه بحالتي وقانعه بنصيبي وعارفه ان ربي كاتب لي
الخير بس من خوفي عليكم كتبت هالموضوع انا لو
عندي اخت صغيره ازوجها بدري للشخص الي يستاهلها مهما كان وضعه الاجتماعي بنات اصحوا من
الحلم وعيشوا الواقع ودعواتكم لي بالزوج الصالح .
أما أنا هناك وحده قريبتي تحب المظاهر والفشخره وبنتها كل مانخطبت الام ترفض تبي تزوج
بنتها امير او شيخ على قولتها !! كانت تقول بنتي بتاخذ ولد شيوخ وبيعيشها في
قصر وبيسافر بها وبيسعدها وامي كانت تقول لها اهم شي الدين والاخلاق مو
الفلوس قالت لها تبينها زي بناتك محد يطق بابهم الا المنتفين !!!!! والحمدلله انا اخذت
واحد ماشاء الله تبارك الله حالته الماديه وحالة اهله فووق الممتااااازه واخلاق ودين واخواتي ماشاء
الله كل وحده زوجها حالته الماديه ممتازه وبنتها لحد الحين ماتزوجت
!! الله يستر عليها ويرزقها الزوج الصالح …… يابنات اهم شي الدين والاخلااااااق الله يسعدكم
ويرزقكم الازواج الصالحين
موضوع رائع انا الحمدلله بنت شيوخ بس عمري مافكرت اني اخذ ولد شيخ اتمنى انه
يكون متعلم ويعيشني في نفس
مستواي بس مو شرط راضيه بالل كاتبه ليا ربي اختي تزوجت واحد متعلم ومرتاح جدا
ماديا يعني ولد شيوخ ماشاء الله تبارك الله عليه حلمي اني اتزوج واحد زييه مو
عشان الماده لا الحمدلله مو ناقصني شي اخلاقه وحكمته وعقل لا قوة الا بالله
اختي الثانيه متزوجه مهندس هوا حبوب وطيوب ومررررررررره يحترمنا ويعمل حساب لاهلي بس فيه شوية
غرور وهذا اللي مااحبه مره خطبني واحد على قولة اخوي مال وجمال وظيفه مرموقه بس
ماارتحت وقعدت استخير واللي كان مرددني انه في
مدينه ثانيه وزوج اخته يتصل على اخويا يقوله اذا عالسكن يجي يسكن عندكم في نفس
المدينه عادي بس وافقو وولد عمه يمدحه لاخويا الثاني واخواني وزوج اختي قعدو يسالو عنه
طلعت اخلاقه مره مو تمام بس الحمدلله انا مااتشرطت لا
لاني اخاف من ربي ارد واحد دين واخلاق ويبلاني بواحد سكير وخمير بس اهلي عندهم
شروط وماما مايعجبها اي احد وعالطول تصرف وترد انا مؤمنه انه نصيب واللي كاتبه ربي
بيصير بس ماتستشيرني تصرف عالطول نفسي اقولها مايصير كذا قوليلي اقلها
بس استحي المهم الله يرزقني ويرزقكم الازواج الصالحين اللي يسعدونا ويهننونا قولو امين .
الي تبي تاخذ امير ولا شيخ ولا مليونير تدخل
آراء البنات حول العريس الميسور الحال أو الثري
الي يبغو ياخدو اميرات ولا شيوخ ولا مليونيرات يدخلو
