ايهم افضل السير او الاوربتراك
الأم نورة عضوة فعالة مشاركاتي 564 عضوة منذ 2005 رشيقات حواء ..السلالالالالالام عليكم و رحمة
الله كيفكن ..إن شاء الله كويسين و طيبين و حبوبين .. إن زين بنات بسألكم
شنو الأحلى بالنسبة للنحافة و الشد ..هل هو جهاز السير و إلا جهاز الأوربت ترك
..لأني وايد محتارة ..و في كم بنت تمدح السير وهم في كم بنت تمدح الأوربت
ترك ..و أنا إن شاااااااااء الله نازلة باجر ع السوق و ما أدري شنو أشتري
.. لا تقولون كل الإثنين ..لأني ساكنة بشقة صغينونة ..و لا تتحمل أكثر من جهاز
أقطه بغرفة العفش.. و بحكي لكم عني. قصة محزنة كنت رشيقة و جسمي حلو ما
هو مررررررررررة نحيف و لا سمين يعني كان طولي 158ووزني كان 59 و بسم الله
من أعرست ينط ل64..وما أدري يوم حملت وو لدت شصار فيني صررررت 75 ,,و الحمد
لله يا رب عالنعمة و العافية أنا ووليدي ..بس الصراحة أبي أنحفففف قبل لا تيي
الجامعة لأن البنات مررررة مهبلين فيني يوم سمنت كل يوم و الثاني يضحكون علي ..وودي
أفاجئهم إذا رديت للجامعة بجسمي ..و تعرفون ما باقي شئ . يا طول هذري بس
حبيت تعرفون السالفة .. االمهم حبيييباتي الله يرضى عليكم و على و الديكم …شالأفضل …
السير و إلا الأوربت ترك ..و أنا بصراحة قاعدة أقرا قرقر البنات في الموضوع اللي
تحتيحق الأوربت ترك و ما حسيت إنه ينحف بس يشد وأنا أبي شي يجمعلي بين
كل الإثنين .. و أنا ولله الشكوى أعاني من بطن في الجزء المتوسط و كرشة
تحته يعني منقسم لي قسمين ..و فخوذ ما شاء الله تبارك الله ..وهم عندي شوية
عضود ..و أبي أنزلهم بحول الله و قوته .. ةبصراحة قبل كل شئ و بعد
كل شئ أحمد ربي سبحانه ع النعمة و العافية ..طيبة و ولدي و أبونا طيبين
..بس ودي أطلع رشيقة إذا جاء العيد البس لبس شييييييييييك و جسم روووعة .. أدري
طولت عليكم بالحجي ..لكن ردوا علي …و بالتفصيل الممل ..بس ما رااااااااح أمل .. يالله
وسعوااااااااااا صدري بالتفاعلات
ايهم افضل السير او الاوربتراك
ما هو الأفضل السير ام الاوربتراك
ايهما افضل السير او الاوربتراك
