عجينة ست الحبايب امي بعدة اشكال , عجينة ست الحبايب لجميع الفطائر

ونظرا لطلب البنات حبيت انزل عالطاير طريقتي واللي هي بالاصل من تأليف امي الله يرحمها
وهي الطريقه المعتمده عندنا من سنوات ، وإن بغيتوا الصدق هي العجينه الوحيده اللي استخدمها
في فطايري ، يعني ماسبق جربت قبلها او بعدها طريقه اخرى

مقادير العجينه :

المقادير بالكوب المعياري ( 250 مل ) 2 كوب دقيق ( استخدم الدقيق السعودي)

3 ملاعق حليب بودره .

2 ملعقة طعام سكر ( او حسب الذوق ) ذرة ملح .

ملعقه خميره فوريه .

كوب ماء فاتر .

ملعقه سمن مهدرج بنكهة الزبده . ( ممكن استبداله بزيت )

الطريقه :

نذوب الخميره في الماء الفاتر والسكر حتى تتفاعل ثم نضيف الحليب والملح بالغالب اختصر الطريق
واخلطهم مع بعض لاني متأكده من فعالية الخميره ونضيف ملعقة السمن ومثل ماقلت تقدرين تستبدلينه
بزيت تقريبا ( خمس الكوب ) بس صراحه بالسمن تطلع أكثر طراوه وأروع والدقيق بالغالب
اضيف الدقيق من غير مقدار يعني حسب الطلب واضيفه على شوي شوي بس عشانكم حاولت
اشوف المقدار وطلع معي كوبين .

لذلك اضيفي كوبين وإذا احتاجت اضيفي دقيق على شوي شوي وانتبهي العجين ممكن تبينلك طريه
في البدايه بس مع الاستمرار بالعجن تقسى وتتكور ، لذلك يفضل إضافة الدقيق على شوي
شوي وأحب العجين طريه نسبيا بس ماتلزق ونتركها تخمر حتى تتضاعف ، ممكن تخمر في
نص ساعه وممكن في ساعه حسب حرارة الجو وأكره العجائن المخمره بكثره يصير لها ريحة
خميره وايضا مهما حمرتيها ماتحمر غير انها تكون متيبسه .

نبدأ بتشكيل العجين حسب الصنف اللي تبينه ممكن تصلحين فيه فطائر جبن ، زعتر ،
نقانق ، سبانخ ، ميني بيتزا ، بيتزا كذابه ، أقماع ، سينامون ، دوناتز
…… الخ . بالنسبه للسينامون والدوناتز عندي طريقه عجين خاصه بهم ، بس لو كنت
مستعجله اعجن عجينه وحده واصلح فيها عدة اصناف اللي هي هذي العجينه وصورتها لكم .

فطاير الجبن والزعتر :

طبعا صلحي حشوه مثل ماتحبين ، بس انا احشيها بالغالب اما بجبن البقره الضاحه ،
او تخلطين زيت وزعتر وتحشين فيه الفطاير . واستخدمت طريقة الللف الشبيهه بالكروسون . قسمي
العجين لكرات . وافردي كل كره بالنشابه وقطعيها بهالشكل .
واحشيها جبن . او اللي تبينه ولفيها وادهني وجهها بالبيض وزيني الوجه بالسمسم او الأعشاب
ودخليها فرن متوسط الحراره مسخن مسبقا ، لمدة عشر دقائق ، بعد العشر دقائق شغلي
الشعله العلويه هالهادي وخلي الوجه يحمر ،طبعا هذا الوقت اللي تاخذه معي العجين ممكن تاخذ
اكثر . حسب فرنك .

النقانق :

استخدمت هالنوعيه من النقانق وافردي العجين وقصيه بشكل يتناسب مع حجم النقانق . وضعي النقانق
وممكن تضيفين له شرحات جبن ولفيه وقطعيه وندهن وجهه بالبيض ونزينه ( زينته بالسماق )
ونخبزه .

خلية النحل :

خذي قطع صغيره من العجين واحشيها باللي تبين ، انا حشيتها بجبن لافاشكري .
رصيها في صينيه واتركي فراغات بين كل حبه وحبه واتركيها تخمر قليلا واضغطيها شوي بيدك
وادهنيها بيض وورشيها سمسم وادخليها الفرن حتى تنفصل الاطراف عن الصينيه وحمريها من فوق ولك
الخيار تبين تقدمينها مثل ماهي ، او تسقينها بالاحرى تدهنينها شوية شيره .

سينابارتز الاسم ملطوش من بيتزا هت ، عندهم فطيرة بالسينيمون ( قطع سينيمون ) طعمها
حليل .

صلحت نفس الفكره بس بشكل اكبر وأعمق أدهني صينيه بالزبده ، وصورتلم جنب الصينيه السكر
الاسمر اللي راح نستخدمه في الوصفه وسيحي في صحن زبده ، وفي صحن آخر أخلطي
( سكر اسمر قرابة نصف كوب ، ملعقه سينيمون ، نص ملعقه سكر الفانيليا ،
ملعقه صغيره نشاء ) الحين خذي قطع من العجين صغيره مو مثل الخليه لا صغيره
مره وبدون ماتكورينها خلي شكلها عشوائي واغمسيها بالزبده وبعده بخليط السكر ورصيهم في الصينيه بهالشكل
لين تعبين ثلاث ارباع الصينيه ودخليها الفرن لين تنضج واقلبيها في صحن التقديم واسقيها باللي
تبينه ، انا كنت مستعجله سقيتها نستله وزينيها بالمكسرات .

عجينة ست الحبايب امي بعدة اشكال

عجينة ست الحبايب لجميع الفطائر

عجائن ستات الحبيبة امهاتنا بعدد شكل