ياغايبه بالله مشتاق انا ردي
طول غيابك ليه في رحلة الغربه
انتي بعيده هناك و اتخيلك عندي
و قلب يحبك موت يتخيلك قربه
فيني حنين وشوق جاوزت انا حدي
وليل الفراق يطول ويطول بي دربه
قالوا سحابة صيف فرقاك وبتعدي
وصارت سنين العمر في غيبتك صعبه
يكفي غياب وبعد يامنتهى ودي
وقلبك ياليته بس يشعر بما أشعر به
صورتك بعيوني و قلبي على يدي
واللي تحبينه مثلك انا احبه
ليلي عذاب و حزن و دموعه بخدي
يا قسوة الفرقا و القلب وش ذنبه
أنا بحر من شوق في جزري و مدي
و شوفتك لي مرسى بإحساسي أبحر به
مشتاق لك مشتاق و اجيب و اودي
و الشوق يلعب بي بس ماقدر العب به
يا غايبه كلمات
كلمات يا غايبه ما احلا
