تعالى اعرفى هتنطمى يومك وحياتك ازاى
انا هاقولكم بصراحه انا كنت مش باواظب على الصلاه مع انى ممكن انتظم فيها اكتر
من 6 شهور وارجع الخبط كتير وياسلام على الشيطان لما بيوسوس يديلك ممكن الف حجه
وحجه يعنى كان من ضمن ما بيسوسنى بيه الشيطان انى طالما ما
لحقتش اصلى الفجر يبقى لازم ابتدى بكا عشان اصلى الفجر حاضر واكمل اليوم كمان كنت
ااقول لنفسى لو حبيت اصلى استنى لما تيجى البيوت وابتدى من الشهر الجاى وحاجات كتير
بس بصراحه انا كنت باشوف كتير مواضيع ام وائل وقاعدتكم
الحلوه مع بعض وقعدت اقرا فى اليوميات بتاعه الاجزاء اللى فاتت وقلت لنفسى بس كده
اصحى من غفلتك فوقى ماحدش ضامن وعنها بدات اواظب على الصلاه ادعولى ربنا يثبتنى ويقوى
ايمانى ويرزقنى حلاوه الايمان اميييين يارب العالمين يومى انا
الحمد لله يبتدى ساعه ازان الفجر ااقوم اصلى واقعد للساعه 6ونص فى قراءه اذكار الصباح
وقراءه جزء من القران بعد كده اصحى بنتى للمدرسه هى فى سنه اولى ابتدائى بعد
كده الساعه 8 اصحى ابنى للحضانه باقولكم الكمبيوتر بيكون معظم الوقت
شغال اقعد شويه واعمل حاجه فى البيت شويه لانى باتعب من القعده الكتير وباتعب من
الوقفه الكتير لظروف صحيه المهم بعد ما بينزل ابنى اشوف ان كان فى البيت فى
حاجه تتعمل ولا لاء لانى باخلى يوم الجمعه لتهويه البيت وتلميع الموبيليا ومسح
البلكونات فاباكون طول الاسبوه تقريبا فاضيه والتنفيضه الكبيره بتكون ايام البيريوت واعمل الغدا واستنى جوزى
والاولاد ونتغدى على الساعه 6 ابتدى اذاكر لبنتى لانها فى مدرسه ازهريه واحسن ما فى
المدرسه هو حفظ القران وطبعا باحفظ معاها ما
عندكوش فكره جزء عم ده حاولت احفظه كام مره ومش باكمل لكن طبعا مع بنتى
اكيد لازم هاكمله النهارده عملت مسقعه بالبطاطس البوريه ادعولى تطلع حلوه لانى بشبوشى الى هو
جوزى انا بادلعه كده مش بيحب غير الاكل التقليدى جدا جدا هاروح اشوف الصنيه فى
الفرن وارجعلكم تانى
السلام عليكم ورحمة الله وبركاته بجد الملف بقى ماشاء الله جميل جدا لكن أنا حاسه
فيه بمشاعر جميله يمكن كنت مفتقداها كنت دايما نفسى فى قاعده مع صديقه او تجمع
نسائى يكون جميل ومتنوع بتكلم فى كل حاجه وكل واحده متميزه فى حاجه
تفيد التانيه بيها لكن فى الواقع ما عرفتش أحقق القاعده دى لاننا بشر القاعده لازم
يكون فيها غيبه ونميمه ونفوس ضعيفه وحقد يمكن كل الحاجات دى خلتنى قللت علاقتى مع
ناس كتير ورست على خلاصه بسيطه من اللاقات لكن الحمد لله ربنا
رزقنى أكثر ما تمنيت صحبه حلوه ونفوس جميله وحب فى الله عشان كده أنا بقول
بلاش نقسم الموضوع نتكلم فى حاجه واحده بس انتى لو عندك مجله نسائيه حا تحبى
انها توفى لك كل جوانب حياتك عشان تحسى انها مفيده وفى نفس الوقت
احنا بشر وبنمل لو اتكلمنا فى موضوع ثابت أكيد مش حا نكمل سمعت برنامج اليوم
بيتكلم عن نفس مضوعنا يعنى ايه أنظم وقتى فقال اولا لازم تعرفى انك انتى هو
انتى يعنى كل أمور حياتك ثابته لكن محتاجه التغيير وأول تغيير لازم يكون فى حياتك
ان
كل حاجه لازم لها نيه من بداية شرب الماء للنوم كل كبيره وصغيره بنيه فتخيلى
فعلا حياتك حا تكون ازاى عمرك ما حا تقولى مليت تعبت حياتى بدون هدف حا
تكونى انسانه ايجابيه لان كل حاجه فى حياتك ليها سبب وهدف مهما كانت بسيطه ثم
نصح
بعد ذلك تجيبى ورقه وتكتبى كل كبيره وصغيره عملتيها فى يومك وبعد كده تقريها وانتى
بتقريها حا تحطى ايدك على الخلل فى امور لازم تهمش من حياتى وفى أمور لازم
تنتهى وفى أمور هى سبب ضياع وقتى وبعدها حا تلاقى نفسك حطيتى ايدك على
ايجابياتك فى خلال اليوم وتبدأى تنميها وتكبريها أكيد ما فيش حد ناجح فى كل شىء
وما فيش حد فاشل فى كله المهم تحطى ايدك على الجوانب الصح فى حياتك وتكبريها
وتلقائى الايجابيات حا تحارب السلبيات خلينا مركزين على موضوع الصلاه
اولا الحمد لله الكل ملتزم بها لكن أكيد لاننا بشر بنعانى من السرحان وان شاء
الله نعين بعض بأفكار للتغلب عليها لكن فى مشكله أنا كنت بعانى منها فى بداية
التزامى بالصلاه هو الوسواس كان دايما فى صوت بيقولى ما تحاوليش صلاتك ما تقبلتش
اتلفت ورجعت لك والصوت ده ما عمليش احباط بالعكس خلانى عدت التفكير فى كل حياتى
واتغلبت كل كل ذنب ممكن يخلى صلاتى لا تقبل أنا لا ازكى نفسى يعلم الله
صدق نيتى لكن أنا اول مره حتى أوقل الكلام ده لنفسى ان ده توفيق من
ربنا ان
الصوت الخفى ده يكون هو بداية التغيير وباب الخير لان ربنا لما بيحب عبده بيضع
أمامه كل شىء يقربه له فلازم نستغل الفرص ونغير حياتنا ونكون ايجابيين اعذرونى على الاطاله
لكن والله فعلا هى دى الصحبه ال دعيت ربنا كتير انه يرزقنى بيها عاوزه اشكر
عطر ما شاء الله المقاله جميله وماشيه مع موضوعنا ياريت نقعد مع نفسنا بصدق انا
اى نوع ونبدأ التغيير ملكه ال هى سها ما شاء الله انتى فعلا جواكى جميل
وربنا بيحبك لانك دخلتى مكان تبحثى فيه حاجه تتعلميها وبدون ترتيب مننا جميعا بتلاقى ايد
تساعدك على القرب من ربنا فاستغلى الفرصه وقربى بكل قوتك لانها منه من رب العالمين
همسه برحب بيكى معانا واسمك كله هدوء ونعومه ما شاء الله مادو ما عرفتيش تمسكى
لسانك فعلا مشاعر فرح ما حسناش بيها من زمان لكن ما عرفناش نفرح قوى لانها
ما لبستش فى وشه صح لكن باقيه كفايه كده احسن الحيطان لها ودان.
تعالى نظمى حياتك من الاول معانا في قعدة الستات
رتبى حياتك واولوياتك
تعالوا نظموا حياتكم من الاول معايا في قعدات الست
