سلطه مره روعه وتصلح في البوفيهات

اليكم سفرة السلطات اللى بتشوفوها فى بيتزا هت و تكا

الكول سلو الكرنب والجزر

كرنب سلطة مقطع حلقات رفيعة جدا (لو مالقيتيش فى السوق ممكن قلب كرومباية عادية

القلب الأبيض

جزر مبشور  خلى مقدار الجزر  قد الكرنب

مايونيز – لبن – سكر

– نخلط ملعقة سكر على  كوب اللبن ونخفف بيه المايونيز

وبعدين نضيفهم على الكرمب والجزر ونقلبهم مع بعض ويدخلوا الثلاجة لحين وقت التقديم

سلطة الفاصوليا الخضراء :

فاصوليا خضراء مقطعة متوسط

بصل أبيض مقطع شرائح رفيعة

سكر

خل

ملح

نسلق الفاصوليا الخضراء ( ماتسيبيهاش عتستوى قوى) فى ماء بملح

بعد تقطيع البصل نسقطه فى ماء مغلى لمدة 5 دقائق ونصفيه

نضيف ملعقة سكر وفنجان خل على البصل ونقلبهم كويس

نضيف البصل المتبل الى الفاصوليا ويقلب جيدا ونضعها فى الثلاجة

سلطة البنجر

نسلق البنجر المقطع جيدا فى ماء مغلى ونضيف له ملح

+ فصين ثوم

نصفى البنجر مع الأحتفاظ بجزء من ماء السلق

نضيف ملعقة سكر و2 ملعقة خل وملعقة زيت على الماءو يقلب

ثم نضع البنجر فى علبة بالثلاجة ونغطية بما يكفى من الماء المتبل

ويحفظ فى الثلاجة لحين التقديم .. عند التقديم يصفى ويقدم

سلطة الحمص الصحيح :

حمص شام -ثوم مهروس -شبت وكسبرة خضراء -ملح فلفل أسود وكمون

1 طماطم مبشورة – زيت طعام – عصير ليمون

ننقع الحمص من الليلة السابقة

الصبح يسلق الحمص حتى ينضج

ويضرب فى الكبة كل المقادير ونضيف عليهم الزيت و الليمون

ونقلبهم على الحمص ولازم لازم يترك فى تتبيلتهم لمدة لا تقل عن 6 ساعات

و بالهنا

سلطة البطاطس بالمايونيز :

البطاطس مكعبات صغيرة

تسلق فى ماء مغلى + ملح لمدة 15 دقيقة فقط وتصفى

نخفف المايونيز بلبن ويقلب على البطاطس

ويترك بالثلاجة لحين التقديم

سلطة بطاطس بالشبت  حارة

بطاطس مقطعة مكعبات ومسلوقة فى ماء وملح لمدة 15 دقيقة

نصفى البطاطس

نقطع شبت قطع صغيرة ونضيف عليه ملح وفلفل أسود وكمون و3 فصوص ثوم مهروس و
شطة أو

فلفل أخضر حار مهروس ناعم جدا و زيت

نقلب الخلطه الى البطاطس وتترك لتبل معا لمدة ساعة على الأقل قبل التقديم

سلطة الطماطم المخللة :

نقطع الطماطم الى حلقات وترص فى طبق

الثوم مع الفلفل الأخضر والفلفل الأسود والكمون

نضيف اليه الخل والزيت

ويتبل به الطماطم وتقدم

سلطة الطحينة  متميزة

طحينة بيضاء

ماء مغلى

1 حبة بطاطس مسلوقة جدا جدا

ملح – كمون – فلفل أسود

خل – زيت

يضرب المقدار كله فى الكبة أو يهرس جيدا بالشوكة

هاتلاقى الطحينة قوامها متماسك وهايلة وطعمة نزينها بورف البقدونس وزيت الزيتون