تيكى تيك الجنه تحت رجليك ، يا لميمه بقلبى و روحى نفديك
مدام راكى معايا لاباس ميتوشينى حتي باس
دعوتك ترفعنى فوق الناس ، تبعد بليس الوسواس امى قلبى عليك حساس ، و عليك ديما عساس
نتفكر ديما كى كبرتينى ، كى نطيح تواسيني
فى نومى معايا تضمينى اذا فقت تبوسيني
تشهدى كى كنت نتعلم الهدره و تخافى عليا كى نخرج برا
نزعفك شحال من مره ، مى تبقى معايا مهما و اش صرا
نحس يديكى فخدودى جميع ما نبكي
امى انت زهره الربيع بلا بيك انا نضيع
فى عينيك انا مزال رضيع ، بدعوتك يا لميمه نولى رفيع
عينيك و رد عينيك يا ملاك انا نجيك
المسك و الجنه تحت رجليك ، الخير بين يديك
كبرت فصدرك عوام ، الغالى فلسوام
نجرى عندك دوام ، كبرتى لى لقوام
اذا جن الليل لى طويل كلش فيك جميل
اذا مرضت فليل دمعتك جرايه تسيل
الجنه تحت قدامك بيها رانى نعيل
كلام عن الام بالدارجه الجزائرية
كلام عن الام ممتاز
