رسمة الكات ايز Cat Eyes من الرسومات اللي بتدي العين شكل حلو وبتوسعها لكن المهم
اننا نرسمها بطريقة صح عشان تدينا النتيجة المطلوبة
1- اول حاجة عشان تظبطي الرسمة ان لازم تكوني ساندة ايدك على حاجة ثابتة عشان
متتهزش وانتي بترسمي وتلخبطلك الرسمة.
2- مترسمين الاجنحة وانتي قافلة عينك خلي عينك مفتوحة عشان تبقي شايفة الخط وانتي بترسمية,
وقدامك اختيارين, ياما ترجعي راسك ورا شوية وانتي بترسمي, او تخلي مستوى المرايا منخفض شوية
وبصي لتحت, بالطريقة دي هتقدري تشوفي الخط رايح في اي اتجاه وهيطلع معاكي مظبوط.
3- قبل ما تبدأي الرسمة اتخيلي شكلها قبل ما ترسميها واتخيلي شكل الاجنحة وطولها وايه
الانسب لشكل عينيكي, مثلا لو عينيكي عميقة يبقى مترسميش خط سميك, لو المساحة بين العينين
واسعة يبقى مترسميش خط طويل اوي وهكذا .. وممكن تشوفوا من هنا الرسمة المناسبة لشكل
كل عين..
4- لما تعرفي شكل عنيكي صح هتقدري تختاري الرسمة المناسبة زي ما قولنا, لكن في
العموم بننصحك ان الاجنحة ميزدش طولها عن 0.5 ملم من زاوية العين يعني يبقى طولها
متوسط ولا طويلة اوي ولا قصير اوي.
5- متحاوليش ترسمي الاجنحة في حركة واحدة من الزاوية الداخلية للزاوية الخارجية للعين لان عشان
تعملي كده لازم تكون ايدك ثابتة جدا وده هيبقى صعب, يعني ممكن تقسمي الخطوط وترسمي
جزء جزء زي ما باين في الصورة كده, او بطريقة النقط وبعدين توصليها ببعض هيسهل
عليكي الرسمة كتير .. وممكن تشوفوا من هنا طريقة رسم الايلاينر بالنقط.
6- لو مش بتقدري او صعب عليكي انك تثبتي ايدك وانتي بترسمي ممكن تستخدمي طريقة
الشريط اللاصق او الكارت حطيه تحت الخط اللي هترسمي فيه الجناح وارسمي ولما تخلصي شيليه
هتلاقي الرسمة طلعت مظبوطة جدا معاكي .. وممكن تشوفوا من هنا طريقة الرسم بالكارت.
رسمة الكات ايز واساسياتها بشرحي المصور
نصايح مهمة هتساعدك ترسمي الكات ايز Cat Eyes
رسمات الكات ايز واساسيات بشرح المصورات
