راح اعطيكم اسهل و افضل كيفية للكابلى باللحم و الله ما تندم اللى حتجربها و الله بدون مبالغه شغل مطاعم ما شاءالله اللهم بارك
نبدا المقادير مع الكيفية بسم الله
تجيبى اللحمة و تغسليها تمام التمام ، تجيبى قدر الضغط و تحطى بصلة كبيره شرايح مع زيت و تحمريها شوى لين تذبل و حطى الثوم المفروم تقريبا خمسة فصوص او اربعة و لين تشمى ريحتة الزاكيه.
حطى بهارات صحيحة مشكلة هيل و قرنفل و ورق غار و قرفة و كزبرة ناشفة يعنى تشكيلة بسيطة من بهارات الكبسة و خليها شوى تتقلي مع البصل و الثوم و ثم حطى اللحمة و تكونى ما خذة حبة برتقالة كاملة بقشورها.
لاتستغربووو و الله جربتها بقشر و بدوون قشر مع القشر يفرق و حلوة ،المهم حطيها بفرامة البصل و اخلطيها تمام لين تصير كلها مفرومة ناعمة و حطيها على اللحمة و جيبى بهاراتك المعتمدة المطحونة اللى تحبيها .
واخلطى منها شوى مع بعض بمقدار ثلاث معالق صغار مليانة و حطيها على اللحمة و حطى مقدار نصف غطا خل ابيض و ثلاث معالق مليانة صلصة طماطم مذوبة بمويا حارة و حطيها و حطى مويا انا ما حب اكثر عشان لا تصير المرقة كثيرة و ابتلش بها ثم جميع شوى افتح و ازيد شوى و ارجع اضغطة و جميع و حدة بطريقتها .
المهم نصيحة من خبرتى لاتحطو الملح من البداية لان الملح يخلى اللحمة قاسية و ما تستوى بسرعه, المهم اخليها على نار عالية بس زى ما قلتلكم انتبهووو لاتنحرق لانى احط مويا قليلة و جميع شوية و افتح و ازيد المويا المهم بهالوقت تكونى غاسلة رز و حطى كشنة ثوم فقط و حطى الرز و سوية ثلاث ارباع سوا.
انا اخلى اللحمة ساعة فالضغط احبها مهرية و مهروسة انا و زوجى و اهلى و جميع و حدة تسويها بالدرجة اللى تحبها،المهم لازم يصبح فشوى صوص مع اللحمة ما تكون ناشفة لانك حتحطى الرز فووقها يكمل سواة بس انتبهوو لايصبح الصوص كثير عشان الرز ما يتعجن يا دوب شى بسيط و لين تستوى اللحمة حطى الملح و قلبيها عشان يتوزع و ثم حطى الرز .
والسر الخطير اللى يخلى الطعم اطلق من الف مطعم و يخلى الريحة توصل لاخر الشارع بعدها حطى مقدار غطا مويا كادى و لو كمية الرز و اللحم كثيرة حطى غطايين و افضل نوع من مويا الكادى الطايفى او اليمامة ،اما اللى علبتة لونها اخضر ما نصحكم فية ابدا ما عجبنى طعمه.
المهم و اضغطوة على نار هادية من دقيقتين لثلاث فقط و قدمية مع سلطة نعناع و زبادى و خيار و جزر جيبى علبة زبادى و حطيها بفرامة البصل مع شوى و رق نعناع و ملح و تكونى باشرة خيار و جزر و حطى الخلطة معاهم و حطى زبادى ثانية =معاهم لان اللى خلطتيها حتكون سايلة مع الخلط في حطى زبادى ثانية =عشان تكون ثقيلة و ولو تبيها سايلة مو مشكلة و بس عووافى و سامحوونى ما صورة الخطوات.
ودعواتكم
ارووع كابلى لحم مع سرى الخطير اطلق من الف مطعم و حتدعولي
كيفية عمل الكابلى باللحم بقدر الضغط
ارووع كابليات لحوم مع اسرارى الخطيره اطلقو من الاف مطاعم و حتدعولي
