فطيره الجبن و العسل تتميز بقوامها الطرى و الخفيف، و تعتبر من الأطباق الاقتصاديه و سريعه التحضير
فطيره ففطيرتين و تعودت اقدمهم مع بعض فطيره مرشوشه بالسمن و العسل و فطيره مدهونه بالجبنه و مرشوش عليها زعتر و سماق جربوها ..
وقدموها لأزواجكم و شوفوا ايش بيقولوا لكم .. !
واثقه من رده الفعل كيف بتكون و هذى الفطيره تقدروا تقدموها بأى و قت علي الفطور بالصباح بعد المغرب مع كاسه شاااى منعنع و يمكن تقدموها عشاء !
نبدا علي بركه الله
المقادير :
3 اكواب دقيق كويتي
جبنه سائله ” بوك ” عشان ملوحتها قليلة ! ناخذ منها خمس معالق للعجينة
نصف فنجان سكر
ملعقه خميره فورية
ملعقه حبه سوداء
شويه ملح
فنجان و نص زيت ماء تقريبا كاسه ” علي حسب نوع الدقيق
الكيفية :
نأخذ نص المويه اللى هو نص كاسه و نحط عليه الخميره و نقلبهم مع بعض و نتركه مدة خمس دقيقة نخلط الدقيق مع السكر مع الحبه السوداء مع خمس معالق جبنه سائله و الملح و باقى المويه اللى هو النصف كوب اللى باقيه .
بعد ما تفور الخميره نضيفها للمكونات و نبدا نعجن و يفضل بالعجااانه نعجن مدة خمس دقيقة و نحصل علي عجينه ملساء ناعمه متماسكه ” تشبه عجينه البيزا نحطها فزبديه .
ونغطيها فمنشفه نظيفه مبلولة بماء دافئ و ندخلها المكرويف او اي مكان دافئ و نتركها حتي تتخمر 20 دقائق فقط .
شكلها قبل ما تخمر.
بعد ما خمرت و تضاعف حجمها .
نفردها و نحطها بصينيه مدهونه زيت و مرشوشه دقيق و نخرمها باصبعنا السبابه .
ترشى عليها سمسم ” انا هنا نسيت لا احط السمسم ! و ندخلها الفرن بدرجه حراره 180 تتحمر من تحت بعدها من فووووق و نطلعها شكلها بعد ما طلعت من الفرن الريحه تفتح النفس و تخليك تجوعى حتي لو شبعااانة.
شكلها بعد ما رشينا عليها السمن و العسل ” انا هالمره استعملت الزبده بدل السمن !
وهنا مع كاسه شااااى بالحبق اوووة خيااال الطعم و الريحة.
وهنا نفس العجينه بس بعد ما طلعتها من الفرن دهنت الوجه و هى حاره بالجبنه السائله ” لا تبخلوا علي انفسكم كثروا الجبنه بتطلع خيال خياااال ! دخلتها المكرويف تحمرت شى بسيييط جدا جدا و علي طول طلعتها و رشيتها بالزعتر و السماااق جدا جدا جدا لذيييييذه و يمكن ترشوها فوق الزعتر شويه بس زبده !
ملاحظه .. هالمقادير تسوى لك صينيتين صينيه فطيره السمن بالعسل و صينيه الجبنه و الزعتر و علي قلوبكم بالعااافيه ..
لعيون الاخت نسرين3 و الاخوات اللى طلوبها فطيره ام ادم بالسمن و العسل و الجبنة
فطائر حلوه بالسمن و العسل و الجبنة
لعين الاخوات نسرين3 و الاخوه اللى طلوب فطائر ام ادم بالسمنه و العسل و الجبن
